Die drey Kegelschnitte: Elipsis, Parabola, Hiperbole & Muschellini (Fig. 34–40)¶
(Camerarius 1532: Sectiones coni — Ellipsis, Parabola, Hyperbola; Linea conchois.)
Die alten haben angetzeigt / das man dreyerley schnydt durch ein kegel mag thuᵒn / die da
vnderschydlich von einander sind vnnd die mit dem fuß des kegels nit ein gleyche zirckellini
haben … Den ersten schnyt heysen die gelerten Elipsis / der schneidet den kegel schleyms ab /
vnnd nymbt dem fuß des kegels nichtz weg … Der ander schnyt ist jm aufreissen / ein barlini /
mit der seyttenn des kegels .a.b. oder vmb kert / wie man will / den die gelerten Parabola
nennen / Der dritt schnyt ist im aufreissen / eynn aufrechte barlini / mit der lini die da auß
dem Centrum des kegels fuß vbersich getzogenn wirdet / in des kegels spitz .a. Den nennen sie
Hiperbole / diser dreyer schnydt namen weis jch auf deutzsch nit zuᵒsagenn / wir wöllenn jn
aber namen geben / dabey man sie kennen müg:
Die Elipsis will jch ein eyer lini nennen / darumb das sie schyer einem ey
gleich ist.
Die Parabola sey genennt eyn brenn lini / darumb so man auß jr ein
spiegel macht so zündt sie an.
Aber die Hiperbole will jch einn gabellini nennen.
Nun so jch auf reissenn will die eyer lini Elipsis / muß jch zuᵒuor den kegel aufreissen / vnnd
den schnyt darinn antzeigenn / des gleichen den grund darunder machen dem thuᵒ jch also / Des
kegels spitz sey oben a vnd der fuß vnden b–c (.b.c.d.e.) nun reiß jch auß dem
a ein aufrechte lini herab / vnd der schlem schnyt durch den kegel sey oben f vnden
g disen schnyt f–g teil jch mit 11 punckten in 12 teyl / vnd heb die zal vnder dem
f an. vnder disem kegel reiß jch seyn grund (Oplan) … Darnach mach jch auß disem
grund die blosse lini Elipsis also / jch reiß die leng des schnydes f–g aufrecht /
wie sie dann mit jren eilff punckten in 12 gleiche felt geteilt ist / vnnd reiß durch all
punckten eylff zwerch barlinien / Darnach nym jch die breiten auß dem grund / auf der geraden
lini .1. so weit sie der zirckel abschneydt / vnd drag sie züdem schnyd f–g setz
sie auf die lini .1. vnd puncktir die breyten / zuᵒ beiden seytten / Also thuᵒ jch jm durch
die gantzen zal / so dann dise punckten zuᵒ rings herum gemacht sind / alß dann zeüch jch die
eyer lini Elepsis von Punckt zü punckt.
Dürers Zweitafelprojektion des Kegelschnitts (Erstes Buch, Fig. 34, S. 035): Aufriß (:g:`a`, :g:`b`, :g:`c`) mit Schnitt :g:`f`–:g:`g`, Grundriß (:g:`O_plan`) und wahre Gestalt der *Elipsis*.