Die Schneckenlini & Ewige Lini (Fig. 7, 17 & 27)¶
(Camerarius 1532: Linea spiralis sive cochlis.)
Nun will jch ein andre schnecken lini / vnd einer andern weiß zihen / die
in vil dingen zuᵒ brauchen vnd fast nützlich ist … jren anfang nym jch auß dem mittel punckten
O (.a.) / von dann geet jr leng in die weyten / so fern man will / doch bleybt jr felt /
zwischen der vberlegung der linien alweg gleich weit darzwischen / allein im ersten vmlauff nit /
aber dise schneckenlini / mach jch also jch setz ein punckten .a. vnd reiß ein zirckelris
darum so weit jch die schnecken lini will lauffen lassen / Vnd teyl dise runde lini mit 12.
punckten in .12. gleiche felt / darnach reiß jch auß dem Centro .a. ein gerade lini vbersich
byß an den runden ryß der ende sey .b. in den selben punckten setz jch .12. vnnd heb die
teylung der punckten des runden ryß an zü zelen gegen der lincken hand /1/2/3/etc. byß herum auff
die 12. Aber die gerad lini .a.b. teyl jch mit .23. punckten in .24. gleiche felt vnd heb am
.a. an zu zellen /1/2/3/etc. Darnach nym jch ein gerad richtscheyt vnd stich die punckten der
itzt gemelten lini .a.b. darauff … Also far jch zü ring herumb zuᵒ allen zalen im
zirckelryß vnd laß allweg das richtscheyt im Centro .a. stet bleiben / so werden die punckten
des richtscheyt alle punckten (P6, P12, P18, P24) der schneckenlini
antzeygen durch die zal wo man sie hyn setzen soll.
Fig. 27 (S. 029 — Die ewige Lini): Es mag ein ewige lini erdacht werden / die da stettiglich zuᵒ eim Centrum eynwartz / auch an dem andern teyl in die weyten vber einander laufft / vnd nymer mehr zuᵒ keym end kombt / Dise lini kan man mit der hand der vnentlichen grösse vnd kleine halben nit machen / Dann jr anfang vnd end so sie nit sind / ist es nit zuᵒ finden / das fast allein der verstand.