CAPITULUM XII.7 — QUOT PARIA CONICULORUM (TEXTUS LATINUS)

Quot Paria Coniculorum in Uno Anno Ex Uno Pario Germinentur et Descriptio Seriei Numerorum in Margine

Fons Criticus: boncompagni:1857 (Il Liber Abbaci, Vol. I, pp. 283–284 · fol. 124r) · English Translation · Summary · GEOMETOR Notes


Quot Paria Coniculorum in Uno Anno Ex Uno Pario Germinentur

Versio Anglica: The Rabbit Problem (Vol. I, pp. 283–284) · Commentarius: Notae ad Seriem Leonardi

Quot paria coniculorum in uno anno ex uno pario germinentur (boncompagni:1857, p. 283).

Quidam posuit unum par cuniculorum in quodam loco, qui erat undique pariete circundatus, ut sciret, quot ex eo paria germinarentur in uno anno: cum natura eorum sit per singulum mensem aliud par germinare; et in secundo mense ab eorum nativitate germinant.

Quia suprascriptum par in primo mense germinat, duplicabis ipsum, erunt paria duo in uno mense.

Ex quibus unum, scilicet primum, in secundo mense geminat; et sic sunt in secundo mense paria $3$;

ex quibus in uno mense duo pregnantur; et geminantur in tercio mense paria $2$ coniculorum; et sic sunt paria $5$ in ipso mense;

ex quibus in ipso pregnantur paria $3$; et sunt in quarto mense paria $8$;

ex quibus paria $5$ geminant alia paria $5$: quibus additis cum parijs $8$, faciunt paria $13$ in quinto mense;

ex quibus paria $5$, que geminata fuerunt in ipso mense, non concipiunt in ipso mense, sed alia $8$ paria pregnantur; et sic sunt in sexto mense paria $21$;

f. boncompagni_1857_vol1_liber_abbaci:0290 · p. 284

cum quibus additis parijs $13$, que geminantur in septimo, erant in ipso paria $34$;

cum quibus additis parijs $21$ que geminantur in octauo mense, erant in ipso paria $55$;

cum quibus additis parijs $34$, que geminantur in nono mense, erunt in ipso paria $89$;

cum quibus additis rursum parijs $55$, que geminantur in decimo, erunt in ipso paria $144$;

cum quibus additis rursum parijs $89$, que geminantur in undecimo mense, erunt in ipso paria $233$.

Cum quibus etiam additis parijs $144$, que geminantur in ultimo mense, erunt paria $377$;

et tot paria peperit suprascriptum par in prefato loco in capite unius anni.

Descriptio Numerorum ex Margine Codicis Magliabechiani (fol. 124r)

Menses

Paria ($F_n$)

Notae Codicis

parium

$1$

Par primum in loco clauso

Primus

$2$

Duplicatur par primum

Secundus

$3$

Primum geminat

Tercius

$5$

Geminantur paria duo

Quartus

$8$

Paria tria pregnantur

Quintus

$13$

Adduntur paria quinque

Sextus

$21$

Adduntur paria octo

Septimus

$34$

Adduntur paria tredecim

Octauus

$55$

Adduntur paria viginti unum

Nonus

$89$

Adduntur paria triginta quattuor

Decimus

$144$

Adduntur paria quinquaginta quinque

Undecimus

$233$

Adduntur paria octoginta novem

Duodecimus

$377$

Adduntur paria centum quadraginta quattuor

Potes enim videre in hac margine, qualiter hoc operati fuimus, scilicet quod iunximus primum numerum cum secundo, videlicet $1$ cum $2$; et secundum cum tercio; et tercium cum quarto; et quartum cum quinto, et sic deinceps, donec iunximus decimum cum undecimo, videlicet $144$ cum $233$; et habuimus suprascriptorum cuniculorum summam, videlicet $377$; et sic posses facere per ordinem de infinitis numeris mensibus.