Sechseck, Sibeneck, Fünffeck (demonstrative & unverruckt), 11- & 13-Eck (Fig. 9–20)¶
(Camerarius 1532: De figuris aequilateris & aequiangulis — Demonstrative ac Mechanice.)
Sechseck & Sibeneck (S. 057, Fig. 9–11): Erstlich mach ein sechs ecket figur / darum das die
der zirkell vnuerruckt selbs gibt … Nvn will jch durch den vorigen dryangel / vnd auß seiner
beschreibung durch einen gemeinen weg / den man von behendigkeyt wegen / in der arbeyt braucht ein
siben eck machen / ich thüe im also / ich zeüch ein gerade lini auß dem Centrum a in den
punckten .2. so schneidt sich die seytten des dryangels .1.3 in der mitt von einander in
den selben punckten setz ich ein .b. so geet die leng .1.b. siben mal herum.
Fünffeck & Zeheneck nach Ptolemäus / Euklid (S. 058, Fig. 15, inkl. Druckfehlerverzeichnis S. 182):
Nvn ist von nötten ein fünfeck zümachen / in ein zirckelryß / dem thuᵒe also / Reiß auß einem
Centrum a ein zirckelryß / vnd zeüch ein zwerchlini durch das Centrum a vnd da sie zuᵒ
beden seyten die zirckellini durch schneidet / da setz b c Darnach zeüch durch das
Centrum a ein aufrechte lini zuᵒ gleychen wincklen / vnd wo sy eben die zirkellini durch
schneydet / do setz ein d [Korrigenda S. 182: teyl .a.c. mit einem punckten .e. in zwey
gleiche teyl; im ersten cirkel soll .d.e. mit einer lini zusamen gezogen werden] Darnach reiß ein
gerade lini .e.d. vnd nym ein zirckel / setz jn mit dem ein fuß in den punckten e den
andern in das d vnd reiß von dann herab auf die zwerch lini .b.c. wo sie die durchschneidt
da setz ein .f. vnd reiß .f.d. gerad zuᵒ samen / dise lenge .f.d. ist ein seiten eins
fünfteyls / das ecket im zirckel herum dryt / so ist .f.a. ein seyten eins zehenecks / Darnach
teyl .a.c. mit einem punckten e in zwey gleiche teyl / so du dann auß dem punckten e
mit einer aufrechten lini vbersich ferst / biß an die zirckellini / so hast du ein sibenteil des
zirckels Mechanice.
Fünffeck auß unverrucktem Zirckel (S. 059, Fig. 16): Aber ein fünfeck auß vnuerruckten
zirckel <zirckel> zuᵒ machenn / dem thuᵒe also / Reiß zwen zirckel durch einander / also das eins
ytlichen ründe / durch des andern Centrum gee / vnd die zwey Centra a b zeüch mit einer
geraden lini zuᵒsamen / das wirdet ein leng einer seyten des fünften eckes / wo aber die
zirckellini an einander durchschneiden / da setz oben ein c vnden ein d vnd reiß ein
gerade lini .c.d. Darnach nym den vnuerruckten zirckel vnd setz jn mit dem ein fuß in den
punckten d vnd mit dem andern reiß durch die zwen zirckelryß / vnd jre bede Centro a
b vnd wo die zwen runden riß durch schnytten werden / da setz e f Aber wo die
aufrecht .c.d. durch schnytten wirdet / da setz ein g Darnach zeüch ein gerade lini
.e.g. gar hynauß byß an die zirckellini / da setz ein h darnach zeüch ein andre gerade
lini .f.g. biß an die zirckellini da setz ein i zeüch darnach .i.a. vnd .h.b.
gerad züsamen / so werden drey seyten des fünfecks / vnd von dann laß zwuᵒ gleich seyten leng vom
.i.h. oben (k) zuᵒsam reichen / so wirdet ein fünfeck.
Neuneck durch drey Fischblosen, Eylffeck & Dreytzeheneck (S. 060–061, Fig. 18–19): Ein neün
eck ist durch ein dryangel zuᵒ finden / also / Reiß auß einem Centrum .a. ein grosse
zirckellini / darein reiß mit vnuerrucktem zirckel / drey fischs blosen …
So jch bald ein eylf eck in ein zirckel reyssen will / nym jch ein vierteyl von des zirckels
diameter vnd erleng jn ein acht teyl auß jm selbs / vnd far mit diser leng herumb im zirckel das
tryt beileuᵒftig ein / also das es sich Mechanice / aber nit demonstratiue findet / Weyter so
jch behend ein .13. eck soll machen / so reiß jch auß einem Centrum .a. ein zirckellini Darnach
reiß jch ein halbenn diameter .a.b. vnd schneid den mit einem punckten .d. in der mit von
einander vnd brauch die leng .c.d. zü .13. malen im zirckel herum / ist aber auch mechanice
vnd nit demonstratiue.